तिम्रो मेरो बाचा कसम

तिम्रो मेरो बाचा कसम मुटु घोच्ने सुल भयो
तिम्लाई आउन भन्नु मेरो ठुलो भुल भयो
कुन दिनमा भयौ आफै मुटु छुने मान्छे तिमी
तिम्रो माया जिन्दगीभर मैले ओढ्ने झुल भयो
तिम्लाई सम्झि नरोएको कुनैपनि रात छैन
तिम्रो तस्बीर मेरा लागि आँशु फुट्ने मुल भयो
काँडै काँडा बिचको फूल सुगन्धनै छैन जस्तो
हामी बिचको माया प्रेम ओईलिएको फूल भयो
आउन मन त थियो होला बिरहीलाई भेट्न भन्दै
दुई आत्मलाई टाढै राख्ने बिचमा लामो पुल भयो