(पराईको मुलुकतिर ,पाईला न-चाली हजुर)-२
जीविका नै चलेन ,स्वाभिमान न-फाली हजुर!!
(कति आए, कति गए, दशैं अनि तिहारहरू )-२
न त दिदी न आफन्त,आफ्नो निधार खाली हजुर!
जीविका नै चलेन ,स्वाभिमान न-फाली हजुर!!
(धम्कीले आमाबालाई, झनै सारो पार्दै छ रे)-२
'डाँको छोडी रुन्छे दिदी', भन्दै थीई साली हजुर!
जीविका नै चलेन ,स्वाभिमान न-फाली हजुर!!
(गोरो छाला हुने गोरी, पशू भन्ठान्दा रैछन)-2
के गर्दै होलान हामीलाई,मान्छे ठान्ने काली हजुर!
जीविका नै चलेन ,स्वाभिमान न-फाली हजुर !!
('एता आ,त्यता जा,यो उचाल ,त्यो फाल ')-२
२० को ठाउँमा १९ हुँदा ,मुटु छेड्ने गाली हजुर!
जीविका नै चलेन ,स्वाभिमान न-फाली हजुर!!
(बनमारा र तितेपाती ,सप्रे होलान गैरी खेतमा)-२
आफू भने पराई कै ,बगैंचामा माली हजुर !!
जीविका नै चलेन , स्वाभिमान न-फाली हजुर!!
(पाखुरीमा पाईन छउन्जेल,पेलाउँछन् फलामहरु)-२
जसै ढल्छ उमेर अनि ,छोराको पाली हजुर !
जीविका नै चलेन , स्वाभिमान न-फाली हजुर!!
(आफ्नै गाउँठाउँमा जुनी,काट्ने रहर कस्लाई हुन्न)-२
सुखै छैन जिन्दगीलाई ,खाडीमा न-हाली हजुर !
जीविका नै चलेन , स्वाभिमान न-फाली हजुर!!
('गर्छु, गर्छु' भन्दा भन्दै,नगर्दैमा मरे "ती" त)-२
बन्दैन मुलुक अब ,मुर्दालाई न-बाली हजुर !
जीविका नै चलेन ,स्वाभिमान न-फाली हजुर!!
पराईको मुलुकतिर , पाईला न-चाली हजुर!!
दिपेन्द्र भट्टराई
सुवन,साउथ कोरिया
No comments:
Post a Comment
तपाईहरु का सुझाब सलाह छ ...................